monumenta.ch > Hieronymus > sectio 33 > sectio 45 > IIII. FORMULA PRAEFECTURAE URBANAE. (a. 511) > ad Romanos, 9 > 9 > bnf9389.74 > csg456.372 > sectio 5 > csg456.50 > bnf10439.131 r > sectio 4

Word Selection for Searching

Report an Error in this Sectio
Tertullianus, Adversus Marcionem, 3, 21, 4
Ex Sion enim exibit lex, et sermo Domini ex Hierusalem. Haec erit via sua, novae legis Evangelium, et novi sermonis, in Christo iam, non in Moyse. Et iudicabit inter nationes; de errore scilicet earum. Et revincent populum amplum, ipsorum in primis Iudaeorum et proselytorum. Et concident machaeras suas in aratra, et sibynas in falces , id est, animorum nocentium, et linguarum infestarum, et omnis malitiae atque blasphemiae ingenia convertent in studia modestiae et pacis. Et non accipiet gens super gentem machaeram: utique discordiae; et non discent amplius bellare, id est, inimicitias perficere; ut et hic diseas Christum non belli potentem, sed paciferum repromissum. Haec aut prophetata nega, cum coram videntur; aut adimpleta, cum leguntur.